نكت جزائرية

موضوع: نكت جزائرية 7/5/2010, 15:57

واحد الغاشي ما يفهمو والو..يعني حابسين ...مثلا الكوكاو اللي بالقشور

يكتبولهم عليه عبارة' اضغط هنا '...التقاشر مكتوب عليهم 'يمين شمال'

البنان مكتوب عليه 'يؤكل من الداخل' الياوورت مكتوب فيه من الاسفل' انتهى

' العلبة نتاع

التونة مكتوب عليها 'لاتخف انه ميت

واحد قال لخطيبته كي نكلاكسوني هبطي قالتلو علاه اشريت طوموبيل قالها لا
شريت زمارة

واحد الطلاب كان يهدر مع وحدة سمينة قالها 'اعطني الدراهم باش نشري الخبز

راني يومين ما كليتش' قاتلو' راني حاسداتك على لاطاي نتاعك يرحم ابوك قولي

شكون الطبيب اللي عطاك هدا الريجيم

زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد
الكبير

حمار شاف خطيبته (حمارة)قالها"وقتاش نتزوجو يا حمارة" قاتلو"كي تسقم هدرتك
يا واحد الحمار

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت

طيارة قريب ليه...كي جات الصحافة تسالو كيفاش الحادثة المسكين من الخلعة

بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت

النعاج طاحو

مرة واحد يقلق مية في
الساعة, دّا قماش عند الخياط وقالوا: اسمع حاب ندير قندورة تكون مليحة يعني
يكون الكول مصاوب وصغير والدرعين مايكونو طوال مايكونو قصار ومن تحت توصل
حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها
تحت الطوابق, وأهم حاجة عندك ادّيرها محصورة انا ما نلبسش حاجة محصورة
ولوكان درتها محصورة والله مانسلكك...هات لقماش هنا مانزيدش نجي عندك خلاص.

-----------------------------------------------------------

مرة واحد كسول ألف في الساعة شاف قدامو قشرة وهو يمشي

قال: ربي يعيني على هاذ الزلقة

---------------------------------------

واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة
وقالو كيما المرة اللولة ورد عليه:لا, وعاد كل يوم يقولو: عندك قهوة
باردة؟ واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها
وجيبهالي
----------------------------------
مرة واحد نام متاخر.....
لقى الحلم بدا نكت جزائرية Biggrin

---------------------------------
مرة عروبي شاف لوحةمكتوب
عليها: مزرعة ابقار فسال صاحبها : كيف تزرعون الابقار!! فرد عليه نرش سكر
على التراب وثاني يوم يطلع بقر
فاخذ الرجل شكارة سكر ورشها
على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير
شكله حلو نكت جزائرية Biggrin

-----------------------------------

أفاقت
الزوجة من نومها مذعورة فسألها زوجها مابك فقالت له حلمت أن رجلا وسيما
وغنيا قد خطفنى منك فقال لها ولماذا تبكين انه مجرد حلم فقالت له ولهاذا
أنا أبكي

قالك وحد الشاب راح يبيع الميلفاي في بلاصة مايعرفوهاش قالك جات عندو وحد
لعجوزة قالتلو يا وليدي

وشنو هذا الصابون ليراه يرغون

قالك وحد النهار جاء الرئيس تاع الماريكان لدزاير وجاب معاه الشوصو الرئيس
تاع دزاير وش ردلو ؟

البغرير

قالك وحد النهار دارو مسابقة شكون يأكل الياغورت بزاف في وحد العمارة شارك
وحد من الجزائر وواحد من مصر والثالث من أمريكا قالك المصري كلا 2ايطاج
وشبع ثم الماريكاني 4 ايطاج وحبس قالك الجزائري مخرجش كي بداو يحوسو عليه
لقاوه يلحس في البايط

قالك وحد العجوزة كذابة بزاف بعثوها ولادها للحج باش تحبس الكذب قالك كي
ولاة قلولها ولادها احكينا على الحج قالتلهم حبستنا الطيارة في السماء
ونظنا نطبعو فيها

قالك وحد الطالب راح يجوز الباك قالك وصل روطار قالو العساس وش راح تجوز
سونتيفيك ولا ازماتيك

قالك وحد الراجل عرض وليدو على الفطور وحطلو سخان تاع عدس وقالو يا وليدي
العدس فيه الحديد وامبعدا وليدو عاود عرض باباه وحطلو الحديد وقالو الحديد
فيه العدس

قالك وحد نهار وحد الراجل حب يدخل الكارتا في البورتابل وامبعدا ما عرفش
دخل البيرمي

قالك وحد الاستاذ قالو للتلميذ ديالو كي تكبر وش تخرج قالو التلميذ نولي
شيباني

-قالك واحد حب طحنوه.

2-قالك مرة الفيل مرض وكان في المستشفى فجائت النملة و طرقت الباب فحل لها
الطبيب و سألها لماذا جئت الى هنا فقالت جئت اتبرع بالدم.

3-حية جاها انهيار عصبي لماذا... لان الذي حبته منذ سنين ليس ثعبان بل حبل.

4--قالك واحد راى رجل يلون في الملعب بالهريسة فراح اليه وقال له ماذا تفعل
فقال له اليوم لدينا مباراة حارة.

2-قالك جرت حرب بين الأمريكيين و الصومال فربحو الصومالييون في الحرب
لماذا...لأن من شدة رقتهم كانو يطلقون النار ثم يختبون وراء أسلحتهم.

3-قالك جزائري و فرنسي و صيني طلعوا في الجبل ثم قال الجزائري السلام عليكم
فرد عليه الجبل السلام عليكم ثم قال الفرنسي سالووووو فرد عليه سالووووو
ثم قال الصيني قال هانتشون شين فقال له الجبل عاود و الله ما فهمتك.

4-قالك واحد راكب في سيارة R4 وهو يمشي في الطريق ب60كلم/سا فمرت عليه
سيارة من نوع BMW بسرعة 200كلم/سا فظن أنه متوق و نزل من السيارة.

5-قالك واحد لبس منامة وخرج وهو راكب في دراجة نارية فسألوه عن السبب فقال
لهم باش كي أندور نرقد.

6-قالك واحد عندوا سيارة اخر صيحة فيها صوت مرأة تنبهك اذا أكثرت في السرعة
فهذا الرجل انطلق في الطريق ب 40كلم ثم 80 فقالت له رجاءا اخفض السرعة وهو
يزيد 120 ثم 140 فقالت له رجاءا السسسرعة ثم زاد الى 200 فقالت له انزلني
هنا من فضلك.

موضوع: رد: نكت جزائرية 7/5/2010, 16:25

_قالك
زوج تزوجوا جابوا طفل ما عندوش يدين ،سماوه debardeur

19_قالك جماعة حابسين يلعبوا في لوتوروت lautoroute تفاهموا اللي تقيسوا
الطونوبيل زوج خطرات يخرج

20_قالك واحد زاطل قال لصاحبوا كاين حاجة وحدة في هذا الدنيا برك اللي راهي
مدوختني قالوا صاحبوا وش هي قالوا الحمار الوحشي بيض ومخطط بالاسود ولا
اسود ومخطط بالابيض

21_قالك جزايري راح لليابان عند صاحبوا خرجو يحوسوا ونهار كامل وهما يمشيوا
الجزايري عيا وقعد يريح طول وهو قاعد الياباني تقلق وقالوا honda honda
يعني ازرب الجزايري ما فهموش بصح شاف معاه وقالوا toyota toyota يعني بلعقل

22_قالك جزايري قاعد مع واحد ماريكاني في قهوة وحاطين زوج قهاوي المريكاني
حب يستهزى بالجزايري وقالوا حاب نسقسيك وش كاين بين الجزايري والحمار
الجزايري خزر معاه وقالوا كاين طابلة

23_قالك وحدالامير كان عندو فيل هذاك الفيل فسد الزرع نتع الفلاحين ديما
يفسد وهما ماقدرو يقولوا والوا للامير يخافوا منوا، واحد النهار جا واحد
كوراج ما يخافش قالهم انا نهدر مع الامير بصح بشرط تروحوا معايا وكي نبدا
نهدر انا لازم تهدروا معايا قالولوا خلاص تفاهمنا.

24_كي دخلوا للامير وقف هذاك الكوراج هو اللول والفلاحين موراه. قالوا
ياسيدي الامير الفيل نتاعك وسكت يستننى في الناس يهدروا زاد عاود قالوا يا
سيدي الامير الفيل نتاعك وسكت الناس ما حبوش يهدرو شاف معاه الامير وقالوا
اهدر وش بيه الفيل نتاعي

قالوا يا سيدي الامير الفيل نتاعك لازمتلو فيلة

25_قالك واحد حياتوا كامل وهو ياكل في اللوبيا وكي يجي ياكل ما يقولش بسم
الله الشيطان ياكل معاه واحد النهار جاء راح يبدا الماكلة خرجلوا الشيطان
وقالوا يا صاحبي نتا قع ما تقولش بسم الله

26_قالك واحد يقرى في الجرنان ضربتو مرتو بمقلة قالها وش بيك قاتلوا لقيت
ورقة في جيبك مكتوب فيها سوسو شكون هي قالها ربي يهديك سوسو اسم الحصان
اللي نشجعوا صدقاتو وراحت سمانة من بعد عاودت ضرباتو بمقلة قالها يامرا
يهديك ربي وش كاين قاتلوا الحصان نتاعك عيطلك في التيليفون