-خطرة
واحد مجحاح(بخيل)حلم روحو يصدق فالدراهم على الفقراء،أيا مالا كي ناض
قال:والله مانزيد نرقد.
2-واحد بخيل دخلو مسمار في رجلو
راح لطبيب باه ينحيهولو
قالو الطبيب نحيهولك ب200دج
ايا قالوا البخيل عوجوا وخليه.
3-خطرة واحد أبوه بخيل راح ليه قالو:بابا حلمت بيك البارح عطيتني 5 دنانير
فرد الاب البخيل عليه:أيا ردهملي لهنا تراش.
4- ايا مالا واحد بخيل يسكن الطابق ال9
كان يطل من البالكو طاحتلوا 10دج
هبط يحوس عليها مالقاهاش,قالكم لاه؟
لحق لتحت قبلها.
5-بخيل دخل لحمام ومخرجش لاه في رايكم.....................مكتوبة من
الداخل ادفع.
6-بخيل بنى باطيمة(عمارة)وعاود ريبها ،لاه.......................نسى
1دينار تحتها.
7-خطرة زوج بخلاء تفاهموا يسابقو جريا،و اللي يجي الأول يعرض صاحبو
للعشاء،لضك مازالو ماوصلوش.
8-خطرة قالوا لبخيل أتبرع ، قالهم: لاه؟قالولوا:رايحين نبنيو حيط
للمقبرة.قاللهم:سبحان الله،لاه الموتى عادوا يهربوا.
9-خطرة بخيل تزوج بوحدة بخيلة جابوا طفل حطوه في بنك.
11-خطرة بخيل تزوج راح لشهر العسل وحدو.
**************************************************
***************************
14-وحد الخطرة ثلاثة تاهوا في الصحراء لقاو مصباح سحري خرجلهم جني وقاللهم
شبيك لبيك الشيء لي تطلبو بين يديك , قالو اللول رجعني لبلادي, رجعوا
لبلادو, الثاني قالوا رجعني لعائلتي, رجعو لعائلتو,بقا غير الثالث ماكر ,
قالو الجني واش تطلب قالو الماكر رجع عزرينهم في زوج لهنا
**************************************************
******************************
15-أيا وحد الخطرة واحد السيد روشارشي (مطلوب لدى الشرطة) جاوتوا الشرطة
قالولو اركب قاللهم شكرا الدار قريبة
**************************************************
**************************
16-واحد الراجل كلا طرف تاع خبز لقا فيه النمال (النمل) واش دار في رايكم ؟
.................................................ش رب الفليطوكس ( مبيد
الحشرات)
**************************************************
********************************
18-زوج مهابل دخلو للبحر يعوموا غرق واحد منهم جبدو لاخر أيا مالا رجعو
للمصح تاع المهابل جا ليه الطبيب وقالو نتا راك درت خمة هايلة كي منعت
صاحبك وقيلة راك ارتحت(شفيت) بصح كاينة حاجة ماشي مليحة صاحبك من بعد ما
منعتو راهو انتحر شنقا قالو المهبول أواه راك غالط ما انتحرش أنا لي علقتوا
باه ينشفوا قشوا برك. هههههههههههههه
**************************************************
***************************************
19-واحد الشيخ دخل الى الصيدلية قالو عندك النعناع قالو الصيدلي مكانش
غدوة زاد ولى الشيخ لهذاك الصيدلي و زاد سقساه نفس السؤال زاد قالو مكانش
مالا غير غدوة راح جاب الصيدلي النعناع جا الشيخ مرة اخرى زاد قالو كاين
النعناع قالو الصيدلي كاين فاجابه الشيخ عمري ما شفت صيدلي يبيع النعناع.
**************************************************
*******************************
20-واحد ديما يروح لوحد القهوة ويطلب قهوة
والقهوة كانت دير ب3دج
والسيد هذا كان يشتي يتمسخر بالقهواجي مالا كان يحطلو 1دج في الحاشية تاع
الكونتوار و1دج في الحاشية الأخرى و1دج في الوسط
مالا وحد النهار كان ما عندوش الصرف
راح للقهوة مد للقهواجي 5دج و قالوا هات قهوة
مدلو القهواجي قهوة وكي جا يرجعلو الصرف
قال في نفسه : ضك نتمسخر بيه كيما موالف يتمسخر بيا
راح حطلو1دج في الحاشية تاع الكونتوار و1دج في الحاشية الأخرى
كي لقا هذاك السيد بلي القهواجي محوس يتمسخر بيه زاد حطلو 1دج في الوسط
وقالوا هات قهوة وحدة اخرى
**************************************************
*****************************
21-ايا مالا واحد بخيل يسكن الطابق ال9
كان يطل من البالكو طاحتلوا 10دج
هبط يحوس عليها مالقاهاش,قالكم لاه؟
لحق لتحت قبلها
******************************************
22-قالكم واحد البلاصة الي يمسها في جسموا توجعوا
ايا مالا راح لطبيب
قالوا يا طبيب البلاصة لي نمسها في جسمي توجعني
كي فحصوا الطبيب لقا بلي صبعو مكسور.
**************************************************
خطرة واحد قاعد يعيط و يدعي في ربي:يا ربي وجيني انفلونزا الطيور للدار.
جاه صاحبو قالو:وشبيك لاه راك تعيط.
قالوا : راني ندعي في ربي جيني انفلونزا الطيور للدار.
قالو صاحبو :لاه
قالو:على خطراكش نسيبتي اسمها الطاوس
***********************************
خطرة واحد قاعد يبكي
جاه صاحبو قالوا لاه راك تبكي
قالوا مات بابا
قالو باه مات
قالو بسيرفات-بدلة رياضية-خضرة
***********************************
خطرة واحد فلاح راح للطبيب
جاه الطبيب باه يسقسيه على المرض تاعو قالو واش عندك؟
قالو ثلاث بقرات وزوج نعاج
***********************************
خطرة واحد عظو كلب راح يجري للطبيب
قالو الطبيب واش بيك
قالو عظني كلب
قالو وين عظك
قالو توال دارنا
***********************************
خطرة زوج دخلو لقهوة جاهم القهواجي قال للأول واش تشرب
قالو jus d"orange
زاد قال للثاني واش تشرب
قالوjuventus
***********************************
خطرة واحد مد لصاحبو رسالة وقالو هذي دزتهالي خطيبتي اقراهالي
هز صاحبو الرسالة وقالو راهي تقولكa demain
قالو واش معناتها
قالو غدوة
قالو لا لا أقراهالي ضك ماشي غدوة
**********************************
واحد مسكين مرتو عاقدة عليه وديما تضربو
راح لصحبو قالو أنا عندي مرتي ديما تضربني
قالو صاحبو عود كي تخل للدار عيط عليها باه تعود تخاف منك
ايا ملا مين دخل للدار قال آآآآآآآآآآآآآآآآآآآآآآآآآآآآ خيرة
قالتلو واش تحوس
قاللها أعطيني نغسل الطباسة
*********************************
واحد راح لدونتيست باه ينحي سنيه ويركب وحدين اخرين
سقسا الطبيب قالو شحال تحسبو في السنة الوحدة
قالو 200دج
قالو والضروس
قالو 100دج
قالو والأنياب
قالو 50دج
قالو مالا ركبهوملي اكل نيبان
**********************************
غبي كان يصلي .. دق جواله .. رد .. قاله صاحبه: اين انت ؟؟! قال:انا في
التحيات
**********************************
