ضيفنا الكريم
حللت أهلاً .. ووطئت سهلاً
..
في منتديات المدية
أهلاً بك بين إخوانك وأخواتك
آملين أن تلقى المتعة والفائدة معنا
حيـاك الله
عليك التسجيل أولا لتشاركنا.


 
الرئيسيةس .و .جقائمة الاعضاءالتسجيلدخول



شاطر | 
 

 تمهل......هناك اسرة تنتظر فيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amani
مشرفـــة عامـّــة
مشرفـــة عامـّــة


انثى
عدد المساهمات : 2673
العمر : 21
الموقع : فـــي دــآآآرنــآآآآ و قدـــآآآم جــآآآرنــــا
العمل/الترفيه : آديبــهـْ نفســـي
وطني :
تاريخ التسجيل : 22/01/2010
السٌّمعَة : 32

مُساهمةموضوع: تمهل......هناك اسرة تنتظر فيك   13/2/2010, 15:02

يا الله يا السائق...اتمهل الطريق راهي بزاف صعيبة
او لحديد ماهوشي ساهل قادر فدقيقة يولي مصيبة
الانسان يسعى غير بلعقل او يجتهد و يدير السبة
و ماشي السرعة الي توصل مادام كل حاجة مكتوبة
و اذا كتبلو ربي يوصل ما توقفلو حتى عقبة
وين يروح الطريق يتحل و يوصل في دقيقة محسوبة
و اذا كتبلو باش يتعطل اما يحب والا يابى
ما يعرفش كيفاش يحصل او تخرجلو الف سبة
بالله يا السائق...اتمهل الطريق راهي بزاف صعيبة
او لحديد ما هوشي ساهل قادر فدقيقة يولي مصيبة
اتفكر لما كنت تتنقل من مركبة لمركبة
كي الحافلة كانت اتطول و ما تقلعش حتى تتعبى
تمشي على رجلك او تحمل او كي يطيح لمطر تتخبى
و يفوت عليك واحد يتكسل بسيارة...اخر حبة
كيفاش كنت فربي تسال او تستنى فالاجابــــة
تقول ان شاء الله ربي يسهل و يحقق لي هاذ الرغبة
ربي سمعلك و تحل المشكل سبحانو عطاك هاذ الهبة
سيارة وقت ما تحب تتنقل و الطريق لبعيدة ولات قريبة
بالله ياى السائق...تمهل الطريق راهي بزاف صعيبة
او لحديد ما هو شي ساهل قادر فدقيقة يولي مصيبة
لا تكون كيف ذاك الجاهل اللي رزقو ربي مركبة
منهار كسبها فسد و تبدل ولاحاسبها في يدو لعبة
نهار كامل وهو هامل و يطبق في قانون الغابة
غلب و فات الناس كامل حتى نهار جاتو الضربة
حوسوا عليه لقاوه حاصل في داخلها اربا ارب
ماكاش حتى كيفاش يتغسل لايموه وارماو عليه التربة
بالله يا السائق ...تمهل الطريق راهي بزاف صعيبة
و لحديد ما هو شي ساهل قادر فدقيقة يولي مصيبة
والسيارة ما عندهاش عقل فالاخر ماهي الا دابة
واش تطلب منها تعمل او ما عليها حتى محاسبة
هي اتبع برك الرجل تاع الراجل وش راهي حابة
و اتبعها قادرة توصل ميتين و ربعين و مزال طالبة
قدما تجري تقولك هل من مزيد؟كي النار الاهبة
و لو كان لحظة نتايا تغفل او تنساها تلقاها هاربة
باش ترميك مكاش جبل ولا تعشي بيك مقلبة
بالله يا السائق...تمهل الطريق راهي بزاف صعيبة
او لحديد ماهوشي ساهل قادر فدقيقة يولي مصيبة
يصبروا فيك باش تتقبل بلي قطعوك رجلك مالركبة
ولا تلقى قدامك طفل يبكي و يقول واش من سبة
واش عملت لهاذ الراجل باش يتمني و قتل لي بابا
و الا ممكن حتى ترحل و تموت انت فذيك الضربة
و تروح لعند ربي تتنسأل يا قاتل الروح وين تتخبى؟
يجي يوقفلك الي تنقتل و يدي كل حسنة مكتوبة
و لما حسناتك تكمل ذنوبو فوق ظهرك تتعبى
علاه عليك ذا الشي كامل وعلاه عليك هاذ الزربة
وعلاه عليك اللهنا توصل و ما تخممش العقوبة
بالله يا السائق...تمهل الطريق راهي بزاف صعيبة
او لحديد ماهوشي ساهل قادر فدقيقة يولي مصيبة
روح اتمشى غير بلعقل حتى توصل حبة حبة
و اتفكر بلي عندك اهل رام يستناو تولي في رحبة
و اتفكر بلي عز و جل يحب عبادوا واحد لمحبة
كثر من هاذ الدنيا كامل و يحبهم حتى كثر مالكعبة


تاليف: فيصل كرشوش


رعاكم الله  
الرجوع الى أعلى الصفحة اذهب الى الأسفل
المدير
مشــــرف
مشــــرف


ذكر
عدد المساهمات : 5250
العمر : 37
الموقع : medea.alafdal.net
العمل/الترفيه : أستاذ/أنترنت
وطني :
تاريخ التسجيل : 24/06/2008
السٌّمعَة : 31

مُساهمةموضوع: رد: تمهل......هناك اسرة تنتظر فيك   13/2/2010, 15:05







الرجوع الى أعلى الصفحة اذهب الى الأسفل
http://medea.alafdal.net
 
تمهل......هناك اسرة تنتظر فيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ˙·٠•● القسم الثقافي والأدبي ●•٠·˙ :: شِعر ٌ وخواطر -
انتقل الى: